Әуезов ауданы әкімі аппаратының қызметкерлері аудан аумағында орналасқан шағын және орта бизнес нысандарында «Қазақстан Республикасындағы тілдер туралы» Қазақстан Республикасы Заңы талаптарының сақталуына мониторинг жүргізді.
Іс-шара барысында нысандардағы көрнекі ақпараттардың, маңдайшалардың, жарнамалық материалдардың және өзге де мәтіндердің заң талаптарына сәйкестігі тексерілді.
Мониторинг нәтижесінде анықталған кемшіліктер бойынша кәсіпкерлік субъектілеріне түсіндіру-профилактикалық жұмыстар жүргізіліп, мемлекеттік тіл туралы заңнама талаптарын сақтау қажеттілігі түсіндірілді.
Аталған жұмыстар мемлекеттік тілдің қолданылу аясын кеңейтуге, тіл заңнамасының сақталуын қамтамасыз етуге және тұрғындарға ұсынылатын ақпараттың қолжетімділігін арттыруға бағытталған.
