Әуезов ауданы — Алматы қаласының батыс бөлігінде орналасқан әкімшілік-аумақтық бірлігі. Аудан 1972 жылдың наурыз айында құрылып, белгілі қазақ жазушысы Мұхтар Әуезовтің құрметіне аталған.
Аудан шекарасы: Райымбек батыр даңғылы - Қарғалы өзені - Үлкен Алматы өзені. Оңтүстік жағы Бостандық ауданымен шектеседі.
Аудан аумағы 2,35 мың га құрайды, ал халық саны 358 мың адамнан асады.
Алматы қаласының Әуезов ауданы әкімі аппараты аудан әкімінің қызметін ақпараттық-талдамалық, ұйымдастырушылық-құқықтық және материалдық-техникалық қамтамасыз етуді жүзеге асырады.
Ашу
Ашу
Ашу
Ашу
Ашу
АшуҚұрметті Алматы қаласының тұрғындары мен қонақтары! Дүниежүзілік қоршаған ортаны қорғау мен эколог күніне орай аудандық сенбілікке қатысуға шақырамыз. 📅 06.06.2026 🕘 Басталуы: 09:00 📍 Өтетін орны: Қарғалы өзенінің бойы, Жандосов көшесінен Абай даңғылына дейінгі аумақ. Табиғатты бірге аялап, бірге көркейтейік!
Құрметті қала тұрғындары, ата-аналар мен балалар! 1 маусым – Халықаралық балаларды қорғау күніне орай Әуезов ауданында «Балалық шақ – бақыт мекені» атты мерекелік аудандық концерттік іс-шара өтеді. Өтетін күні: 1 маусым 2026 жыл Уақыты: 10:00 – 14:00 Өтетін орны: «Family Park» демалыс саябағы (Ұлықбек көшесі, 57А) Бағдарламаға сәйкес: 10:00 – «Family Park» кіреберісінде (Абай–Сарыарқа метро жағы) ертегі кейіпкерлері мен бойшаң қуыршақтар қатысуымен флешмоб 10:30 – ертегі кейіпкерлерінің мерекелік шеруі 11.00 - балалар мен жасөспірімдерге арналған Н.Сац атындағы Мемлекеттік академиялық орыс балалар мен жасөспірімдер театрының «Алақай! Демалыс! Театр!» атты театрландырылған қойылымы 11:40 – аудандық мерекелік концерт (шығармашылық ұжымдардың қатысуымен) 12.00 – Сарыарқа скверінде шеберлік сағаттары мен спорттық ойындар Іс-шара аясында театрландырылған қойылымдар, аниматорлар, флешмобтар, сурет байқаулары, қыш өнері бойынша шеберлік сабақтары, спорттық жарыстар және балаларға арналған түрлі ойын-сауық бағдарламалар ұйымдастырылады. Сіздерді балаларға арналған жарқын мерекеге қатысуға шақырамыз!
Бүгін өмірлік қиын жағдайға тап болған отбасыларды анықтау мәселелері бойынша мобильді топтың кеңесі өткізілді. Кеңес барысында әлеуметтік қызметтер мен әлеуметтік жобалардың, әйелдерді зорлық-зомбылықтан қорғау бөлімшесінің, ювеналдық полицияның жұмысын жандандыру, сондай-ақ денсаулық сақтау және білім беру ұйымдарымен өзара іс-қимылды күшейту мәселелері қаралды. Отбасы институтын қорғау, балалар үшін қауіпсіз әрі қолайлы орта қалыптастыру, сондай-ақ қолдауды қажет ететін отбасыларға уақтылы көмек көрсету мәселелеріне ерекше назар аударылды. Қорытындысы бойынша ведомствоаралық жұмысты одан әрі күшейтуге және өзекті мәселелерді жедел шешуге бағытталған бірқатар тапсырмалар берілді.
Әуезов ауданы әкімінің аппараты Алматы қаласының Ішкі саясат басқармасымен бірлесіп, 2026 жылғы 14 мамырда «Заң мен тәртіп» идеологемасы аясында «Заң мен әділдік» іс-шарасын өткізуді жоспарлап отыр. Іс-шараның мақсаты – әрбір азаматқа, әсіресе әлеуметтік осал топтарға заң көмегін қолжетімді ету, сондай-ақ тұрғындардың құқықтық сауаттылық деңгейін арттыру. Осыған байланысты, аудан тұрғындарын Әуезов ауданы мен Алматы қаласының прокуратура және полиция қызметкерлерінен, адвокаттар мен заңгерлерден тегін заңгерлік кеңес алуға шақырамыз.
2026 жылғы 2 мамырда Әуезов ауданында «Спорт – достық алаңы» акциясы шеңберінде жасөспірімдер арасында волейболдан турнир өткізілді. Аталған шараға 110 жасөспірім қатысып, тартысқа толы әрі жоғары деңгейдегі ойын өрнегін көрсетті. Турнирдің басты мақсаты – жасөспірімдер арасында салауатты өмір салтын насихаттау, өзара достық қарым-қатынасты нығайту, сондай-ақ бұқаралық спортты дамыту болып табылады. Жарыс нәтижесінде үздік өнер көрсеткен командалар анықталып, жеңімпаздар мен жүлделі орын иелері кубоктармен, медальдармен және Әуезов ауданы әкімінің Алғыс хаттарымен марапатталды.
« AUEZOV FEST - 2026 » Әуезов ауданының демалыс орталықтарының жәрмеңкесі «UAQYT» қоғамдық қорының ұйымдастыруымен, Алматы қаласы Жастар саясаты басқармасының қолдауымен Әуезов ауданы демалыс орталықтарының аудандық «AUEZOV FEST-2026» атты жәрмеңкесі өткізілді. Жасөспірімдер мен жастардың тұрғылықты жері бойынша бос уақытын тиімді өткізіп, жасөспірімдер мен жастардың қабілеттерін, олардың шығармашылық, зияткерлік, спорттық дағдылары мен мүмкіндіктерін жан-жақты дамыту мақсатында Алматы қаласының Әуезов ауданында «UAQYT» Қоғамдық Қоры Алматы қаласы Әуезов ауданының демалыс орталықтарының қызметін іске асырады. 12 жастан бастап 35 жасқа дейінгі жасөспірімдер мен жастар 28 үйірмелер мен секцияларда тұрақты және тегін негізде айналысады. «AUEZOV FEST-2026» фестивалі ағымдағы жылдың 25 сәуір күні сағат 12:00-де Сары-Арқа алаңында өтті. Жоғарыда аталған іс-шараны өткізу шеңберінде фестивальдің барлық қатысушылары мен қонақтары үшін қызығушылықтарына байланысты демалыс орталықтарының жәрмеңкесі, ойын-сауық концерттік бағдарламасы, дамытушы шеберлік сыныптары, спорттық жарыстар ұйымдастырылды.
