2026 жылғы 9 маусымда Алматы қаласында ТМД-ға қатысушы мемлекеттердің атом энергиясын бейбіт мақсатта пайдалану жөніндегі комиссиясының 27-ші отырысы шеңберінде ТМД-ға қатысушы мемлекеттердің атом энергиясын пайдалану кезіндегі қауіпсіздікті реттеу органдарының басшы деңгейдегі өкілдері кеңесінің 6-шы отырысы өтті.
Қатысушылар ядролық және радиациялық қауіпсіздікті қамтамасыз ету, мемлекеттік реттеу мен қадағалауды жетілдіру, сондай-ақ атом энергиясын пайдалану саласындағы нормативтік-құқықтық базаны үйлестірудің өзекті мәселелерін талқылады.
ТМД-ға қатысушы мемлекеттер арасындағы ынтымақтастықты дамытуға, қауіпсіздікті реттеу саласындағы тәжірибе алмасуға және өзекті салалық міндеттерді шешудің бірыңғай тәсілдерін әзірлеуге ерекше назар аударылды.
Отырыс қорытындысы бойынша ТМД-ға қатысушы мемлекеттердің өзара іс-қимылын одан әрі нығайтуға және атом энергиясын бейбіт мақсатта пайдалану кезінде қауіпсіздікті реттеу тетіктерін жетілдіруге бағытталған Кеңестің 2026-2027 жылдарға арналған жұмыс жоспары бекітілді.
