Халықтың төтенше жағдайлардағы іс-қимылдарға дайындығын арттыру және хабардарлық деңгейін көтеру мақсатында мемлекеттік қызметшілер арасында «Террористік акт қаупі төнген кездегі халықтың іс-әрекеттері» тақырыбында ақпараттық-түсіндіру іс-шарасы өткізілді.
Іс-шара барысында қатысушыларға террористік қауіп туындаған жағдайда қауіпсіздік шараларын сақтау, күдікті заттарды анықтаған кездегі әрекеттер тәртібі, терроризм актісі туралы ақпарат алған жағдайда жасалатын іс-қимылдар, сондай-ақ жеке және қоғамдық қауіпсіздікті қамтамасыз ету мәселелері түсіндірілді.
Кездесу барысында қырағылық танытудың маңыздылығы, күмәнді жағдайлар туралы уәкілетті органдарға дер кезінде хабарлау және төтенше қызметтердің ұсынымдарын қатаң сақтау қажеттілігіне ерекше назар аударылды.
Осындай іс-шаралар халықтың терроризмге қарсы қорғалу деңгейін арттыруға, қауіпсіздік мәдениетін қалыптастыруға және ықтимал қауіп-қатерлер жағдайында дұрыс әрекет ету дағдыларын жетілдіруге ықпал етеді.
#Антитеррор#Қауіпсіздік#ТерроризмніңАлдынАлу#ТүсіндіруЖұмыстары
